CLICK HERE FOR BLOGGER TEMPLATES AND MYSPACE LAYOUTS »

الجمعة، 17 يوليو 2009

البداية

بسم الله الرحمن الرحيم


اولا بنحب نشكر كل اخواتنا اللى تواجده هنا بقلوبهم معانا وبنتمنا ان كل اللى يجى هنا ينشر لينك المدونة لزواره علشان نقدر نكون ملمين باكبر كم من السرقات اللى بتحصل
بس احنا كنا حابين اكتر انكم تتفاعلوا معانا بافكار جديدة نقدر نبتدى بيها لكن مش مشكلة ،،،، البوستات جاية كتيييير



ندخل بقى على اول مشكلة وهى للاخ صاحب مدونة كشف حساب ومشكلته ان فى جماعة من الاخوان عندهم نفس الاسم فاحنا اللى وصلنا له حتى هذه اللحظة لو واحد دخل بيتك وسرق صورة وعلقها عنده مهمتنا اننا نرجعلك الصورة لكن افترضنا ان عمل بيت شبه بيتك بالظبط بنفس الديكور الخارجى تبق الاصل طبعا صعب انك تهدم البيت او تقولى مش ينفع والكلام ده مجرد راى مبدى مننا لكن احنا مستنين نعرف ايه ارائكم خصوصا انه من الصعب على انه يغير اسم المدونة طبعا

ثانيا تعليق الاخت الطفلة المحبة للرومانسية واللى هو ان اى واحد عنده شىء مسروق او يعرف حد كده يكتب اللينك فى التعليقات والبوست اللى بعده هننشر كل اللى جالنا ونبدا نشوف هنقدر نعمل ايه مع الشخص اللى عمل كده

وحاجة اخيرة بنتمنا منكم انكم تضيفوا لينك المدونة عندكم حتى تكونوا على اتصال دائم معنا وحتى يتم التواصل باقصى سرعة وكمان تنشره اللينك على كل اخواتكم حتى تتسع دائرة نشاطنا التى انتم فيها الاساس لاننا بدونكم لن نفعل شىء
وياريت اللى اول مرة يزورنا يرجع للبوست الاول احنا مين

الخميس، 9 يوليو 2009

احنا مين


احنا مين
احنا مش شخص واحد لكننا روح واحدة قلب واحد عقل واحد ايد واحدة وفكرة واحدة ،، كل شىء حلو فى حياتنا كانت بدايته حلم وحلمنا النهاردة يمكن يكون تحقيقه مستحيل ويمكن يكون ساذج لبعض منكم لكننا مؤمنين بالله والامل جوانا مالهوش حدود ،، احنا هنكون بالنسبة ليكم (( رصاصة )) تخترق قلم كل سارق للحقوق الفكرية وانتم هتكونوا السلاح المستخدم فى اطلاق هذه الرصاصة بمعنى انكم هتكونوا قوة الدفع لينا وبايدكم انتم اللى هتتضغطوا على الزناد وانتم بردة اللى هتحددوا لينا الهدف اللى احنا هنتحرك اليه لحماية حقوقكم الفكرية اينعم احنا مش هنقدر نمنع السرقة لكن على الاقل هنقدر باذن الله اننا نقللها ،، احنا نقطة فى بحر ،، النقطة دى ممكن تكبر بيكم انتم ونلاقى نفسنا فى يوم بقينا دوامة الكل يخاف انه يقرب منها ،، احنا عارفين ان كل ده مجرد كلام بس هدفنا تحقيقه ،، اما عن باقى اهداف المدونة دى انتم اللى هتحددوها لانى المدونة دى خاصة بيكم انتم كل تعليق هيكون له قيمته واكيد فى افكار كتير هتفيدنا كلنا يعنى مثلا فكرة انشاء المدونة دى مقتبسة من اخوانا مصعب صلاح ،، مجرد تعليق قامت عليه مدونة كاملة ،، وطبعا بنرحب بيكم ايا كانت ارائكم وانتقادتكم ،، ودى البداية
وردة
فراشة
ميمى
شيماء زايد
مصعب صلاح
اسماء واحلام فى وجدانى
وحتى يتم التواصل الدائم بيننا نتمنا اضافة هذه المدونة الى قوائمكم